ባሕር ዳር፣ መስከረም 22/2019 (የአማራ ክልል ጠቅላይ ፍርድ ቤት)
ሁለተኛውን የአማራ ክልል ፍርድ ቤት ዳኞች ዓመታዊ ጉባኤ በመከታተል ላይ ያሉ ዳኞች በወንጀል የተገኘ ንብረት ማስመለስን በተመለከቱ ጉዳዮች ላይ ስልጠና ወስደዋል።
በርእሰ ጉዳዩ ላይ የተሰጠው ስልጠና፣ የዳኞችን ውስብስብ የፋይናንስ እና ኢኮኖሚያዊ ወንጀሎችን የመፍታት እውቀታቸውን እና ተግባራዊ አቅማቸውን ለማጠናከር ያለመ ነው።
ስልጠናውን የሰጡት በፍትሕ ሚኒስቴር የንብረት ማስመለስ ዳይሬክተር አቶ ያለምታሪክ ሽመልስ ሲሆኑ፣ ስልጠናው በንብረት መልሶ ማግኛ ቁልፍ ገጽታዎች ላይ ያተኮረ ሲሆን ይህም የንብረት መለየት እና ክትትል፣ መያዝ፣ ማስከበር፣ መውረስ እና መልሶ ማግኘትን ጨምሮ፣ እንዲሁም ከንብረት ጋር በተያያዙ ጉዳዮች ላይ የሚነሱ ማስረጃዎች እና የአሠራር ጉዳዮች ላይ ያተኮረ ነው።
በስልጠናው ከወንጀል ጋር የተያያዙ ንብረቶችን ለመለየት፣ ለመመርመር፣ ለማስከበር፣ ለመያዝ፣ ለመውረስ እና ለማስተዳደር የወጣውን በወንጀል የተገኘ ንብረት ማስመለስ አዋጅ ቁጥር 1364/2025 ላይ የተመለከቱ ዝርዝር ጉዳዮች ተዳሰዋል።
ሀብት ፍትሐዊ በሆነ መንገድ መከፋፈል ያለበት መሆኑ በሕገ መንግሥቱ እንደተመለከው ሁሉ ያለ አግባብ የተመነዘረ የሕዝብ ሀብት ማስመለስ ግዴታ መሆኑ በስልጠናው ተመልክቷል።
የኢኮኖሚ ወንጀሎች የገቢ ግብር፣ የውጪ ምንዛሪ፣ የገንዘብ ዝውውር ሥርዓት ላይ እና የውጪ ኢንቨስትመንት ላይ አሉታዊ ተጽእኖ ያላቸው በመሆኑ እና ማንም ሰው በወንጀል ድርጊት ሀብት ሊያገኝ የሚገባ ባለመሆኑ ንብረቱን ማስመለስ አስፈላጊ መሆኑ በስልጠናው ተነስቷል።
በስልጠናው የኢኮኖሚ ወንጀሎች በሀገር ኢኮኖሚ ላይ የሚያደርሱት ጉዳት ከፍተኛ በመሆኑ እና ውስብስብ በመሆናቸው የብዙ አካላትን ቅንጅት እና ትብብር የሚጠይቅ መሆኑ ተነስቷል።
ስልጠናው ዳኞች ከፋይናንስ ማስረጃዎች፣ ከጊዜያዊ እርምጃዎች፣ ከመወረስ ሂደቶች፣ ከሶስተኛ ወገን መብቶች እና ከአለም አቀፍ ትብብር ጋር የተያያዙ ተግዳሮቶችን እንዲመረምሩ አስችሏቸዋል።
