አዲስ አበባ፣ጳጉሜ 2/2018 (የአማራ ክልል ጠቅላይ ፍርድ ቤት)
የአማራ ክልል ጠቅላይ ፍርድ ቤት እና አስዴፖ በትብብር በመስራት የዳኝነት እንዲሁም የፍትህ ሥርዓቱን ውጤታማነት ማደበር የሚያስችል ስምምነት፣ የአማራ ክልል ጠቅላይ ፍርድ ቤት ፕሬዝዳንት ዓለምአንተ አግደው እና የአስዴፖ ዋና ዳይሬክተር አቶ ምህረትአብ በላይ ተፈራርመዋል፡፡
በስምምነት ሰነዱ ተቋማቱ በፍርድ ቤቱ የሚደረጉ የሠው ሃብት አቅም ግንባታ ስራዎች፣ ተጋላጭ የሆኑ የማህበረሰብ አካላት ጥበቃ በተለይ የህፃናት መብት ጥበቃ፣ የፆታዊ ጥቃት ተጋላጭ የሆኑ የማህበረሰብ ክፍል ጥበቃ፣ ዘላቂ ሰላም ግንባታ እና የአካባቢ ጥበቃ ላይ በጋራ ለመስራት ስምምነት አድርገዋል፡፡
ክቡር ፕሬዝዳንቱ በክልሉ ፍርድ ቤቶች የተሰሩ ስራዎች እና ቀጣይ የትኩረት አቅጣጫዎች ያብራሩ ሲሆን፣ የአስዴፖ ዋና ዳይሬክተር ፍርድ ቤቱ በአጭር ግዜ ያከናወናቸውን ተግባራትን በማድነቅ ተቋማቸው በተሰማራባቸው ዘርፍ ላይ ፍርድ ቤቱን ለማገዝ ያላቸውን ቁርጠኝነት ገልፀዋል፡፡
